Beint á efnisyfirlit síðunnar

Á döfinni

24.02.2018 - 24.02.2018

Ársþing GLÍ 2018

Ársþing Glímusambands Íslands verður haldið í...
04.03.2018 - 04.03.2018

Ársþing BLÍ 2018

Ársþing Blaksambands Íslands verður haldið í...
21

Heidursholl_Sigurjon.jpg (213402 bytes)


Glíma.

Sigurjón Pétursson glímukappi var útnefndur í Heiðurshöll ÍSÍ á 71. íþróttaþingi ÍSÍ árið 2013. 

Sigurjón Pétursson fæddist 9. mars árið 1888 og lést 3. maí árið 1955. Hann var einn mesti íþróttakappinn á Íslandi á öðrum áratug tuttugustu aldar, meðal annars Glímukóngur Íslands árin 1910-1919, sexfaldur skjaldarhafi Ármanns, góður skautahlaupari, sundmaður, göngugarpur og frjálsíþróttamaður.

Sigurjón Pétursson hafði frumkvæði að því að íþróttahreyfingin á Íslandi sameinaðist undir merkjum Íþróttasambands Íslands þann 28. janúar árið 1912, sem varð meðal annars til þess að Íslendingar gátu keppt fyrir hönd þjóðarinnar á Ólympíuleikunum árið 1912. Hann keppti í glímu á Ólympíuleikunum 1912, þar sem hann komst í átta manna úrslit, og hlaut fjölmargar viðurkenningar fyrir margskonar íþróttir á sínum íþróttaferli.

Það er ÍSÍ mikill heiður að útnefna Sigurjón Pétursson í Heiðurshöll ÍSÍ.